老細(客人)個浴室要大執位,企缸同洗手盆大掉位.
門口位都要改埋.
本來都無咩特別.
但係而家封咗磚嘅位置要做企缸.
加上空心嘅牆身.
個企缸得熱水爐果邊係石屎牆(外牆),其餘都係好多駁口嘅空心牆,一不小心好易漏水.
遇到咁情形做防漏就要"寧濫勿缺",比平時打多層底防漏同面防漏.
(試水)
個浴室初步叫做完成.
做全拆工程好黐身就係咁解,因為好多野唔敢交低晒比師傅做,
下下要自己跟下眼先放心.
下下要自己跟下眼先放心.
所以接野做同做防漏嘅心態要剛剛雙反,接工程要"寧缺勿濫".
因為手頭多工程做一定兼顧唔到,一鳥在手勝過兩鳥在林.
4 則留言:
想問:兩隻防漏食唔食架
我諗你誤會咗.
白色果隻係最底層,然後倒英泥沙做企缸(會加入大量英泥寶同少量石仔),等乾透同做好養護,證明無响無裂(約兩星期後)先做浸灰色嘅防漏上去,最後做磁磚.
並不是做完白色再做灰色上去,謝謝.
好人師父>∪<
點解上面既相片睇唔到既?
發佈留言